Urdu Poetry about Urdu Language – Pehchaan Hamaari Urdu Hai by Obaid Azam Azmi

Pehchaan Hamari Urdu hai

  • Obaid Azam Azmi

Saath rahi hai saath rahay gi jaan hamari Urdu hai
Urdu ki pehchan hain hum pehchan hamari Urdu hai
Hindu Muslim sikh eesaai naghmay gaayen Urdu mein
nanhay bachchay maktab jaakar sabaq sunaayen Urdu mein
mehnat kash Akhbar Kitaabein paDhen paDhaayen Urdu mein
izzat Urdu Azmat Urdu shaan hamari Urdu hai
Urdu ki pehchan hain hum pehchan hamari Urdu hai
Urdu ke shaidaaii Urdu paDhte hain paDhwaate hain
Shaikh-o-Brahman, waaz  naseehat Urdu mein farmaatay hain
Behr-e-Sukhan mein doob ke shaair moti chunn chunn laatay hain
tarz hai Urdu, lai hai Urdu, taan hamari Urdu hai
Urdu ki pehchan hain hum pehchan hamari Urdu hai
khwaab liye, ehsaas liye, aqdaar liye, eesaar liye
aankhon mein jazbaat sajaaye dil mein sabhi ka pyar liye
ilm o fun, tahazeeb o tamaddun, nzam o ghazal ash’aar liye
mulk mein amn o mohabbat ka unwaan hamari Urdu hai
Urdu ki pehchan hain hum pehchan hamari Urdu hai

Written by  Obaid Azam Azmi
Mobile No. : +91 98697 12548
Mumbai-India
www.azmi.in
Tag : Urdu Poetry about Urdu Language, Urdu on Urdu, Urdu Tarana, Urdu Anthem, Desigined Urdu Poetry, obaid azam azmi, ubaid azam azmi, ubed azam aazmi, obed aazam aazmi,Urdu par nazm english mein, urdu pe nazam.

Leave a Reply

Your email address will not be published. Required fields are marked *